- 專輯介紹
- 歌詞
- 專輯列表
- 歌手介紹
新寶島康樂隊
-
阿春仔伊阿嬤
作詞:陳昇 作曲:陳昇 編曲:周恆毅
伊站在西邊日頭落去的海岸 半邊山攏蓋在濂霧內底 矸仔店的阿桑說 阿春仔 打算要落雨 恁阿嬤趕緊甲叫進來躲雨 駛船的阿伯仔款款就走過來 伊說恁頭家仔打算是坐明天的船 港邊的人攏漸漸在散開 淒美燈塔黃昏的孤鳥在哪裡
啊咱搭官仔到底是為安怎 這啦累就連批攏不曾回 堤防頂的兵仔兄我來借問一下 那夜兵仔車欲給咱載去哪裡
喔~ 阿春仔伊阿嬤 喔~ 日日夜夜對人問起 阿春仔伊阿嬤 喔~ 那個遙遠的南島在哪裡
若不是那時大家攏真歹命 咱阿公猶未出門去賺吃 現在阿春仔咱都已經就不用驚 黑暗了後出日頭就攏不寒
阿嬤說 阿春仔 阿嬤累了 你坤我走一趟去海邊仔看你阿公甘有轉來 靈前下的那盞電火就不通關 你阿公若轉來才未找無路 啊咱搭官仔到庭是為安怎 這啦累就連批攏不曾回 那夜連包袱都不欲提 兵仔兄欲給我載去哪裡
喔~ 阿春仔伊阿嬤 喔~ 日日夜夜對人問起 阿春仔伊阿嬤 喔~ 那個遙遠的南島在哪裡
阿嬤你現在就不免驚 阮阿公有帶話說伊現在真快活 咱現在大家著不免驚 黑暗了後日頭就攏不冷
O I Ya Na Ya O O Ya Na O Yan I Ye Ya Na O Yan I Ya Ya Na An
OS Ta Gu Da In Na Na Mai Da Zu Ya Ma Sa Na Mai Zu Ya Oa Gu Da In Ja Gu Da In
OS[中譯] 又能如伺?既然如此,就摹它如此‧也就這樣!這樣吧!
------------------------------------------
《阿春仔怹阿媽》A-tshun-á in A-má 陳昇Tân Sing 新寶島康樂隊 Sin Pó-tó Khong-lo̍k-tuī
伊徛咧西爿 i khiā teh sai-pîng 日頭落去的海岸 ji̍t-thâu lo̍h-khì ê hái-huānn 半爿山 puànn-pîng-suann 攏蓋佇咧雺霧內底 lóng kah tī-leh bông-bū lāi-té 𥴊仔店的阿桑講 kám-á-tiàm ê a-sáng kóng 阿春仔 拍算欲落雨 A-tshun-á, phah-sǹg beh lo̍h-hōo 恁阿媽趕緊共叫入來覕雨 lín a-má kuánn-kín kā kiò ji̍p-lâi bih-hōo
駛船的阿伯仔 sái-tsûn ê a-peh--á 寬寬仔就行過來 khuann-khuann-á tō kiânn--kuè-lâi 伊講恁頭家 i kóng lín thâu-ke 拍算是坐明仔載的船 phah-sǹg sī tsē bîn-á-tsài ê tsûn
港邊的人 káng-pinn ê lâng 攏漸漸咧散開 lóng tsiām-tsiām teh suànn-khui 淒迷燈塔黃昏的孤鳥 tshe-bê ting-thah hông-hun ê koo-tsiáu 佇咧佗位 更多更詳盡歌詞 在 ※ Mojim.com 魔鏡歌詞網 tī-leh tó-uī
啊人大官仔到底是為按怎 ah lâng ta-kuann-á tàu-té sī uī án-tsuánn 遮la-le煞連批攏毋捌回 tsiah la-le suah liân phue lóng m̄-bat huê 駁岸頂的兵仔兄 poh-huānn tíng ê ping-á-hiann 我來借問一下 guá lâi tsioh-mn̄g--tsi̍t-ē 兵仔車彼暗 ping-á-tshia hit-àm 載去佗位 tsài khì tó-uī
喔~阿春仔怹阿媽 ooh~ A-tshun-á in a-má 喔~日日夜夜對人來問起 ooh~ ji̍t-ji̍t-iā-iā tuì lâng lâi mn̄g khí 阿春仔怹阿媽 A-tshun-á in a-má 喔~彼個遙遠的南島佇佗位 ooh~ hit ê iâu-uán ê lâm-tó tī tó-uī
若毋是彼時逐家攏真歹命 nā-m̄-sī hit-sî ta̍k-ke lóng tsin pháinn-miā 咱阿公嘛袂出門去趁食 lán a-kong mā buē tshut-mn̂g khì thàn-tsia̍h 這馬阿春仔 tsit-má A-tshun-á 咱攏已經都毋免驚 lán lóng í-king to m̄-bián kiann 烏暗了後 oo-àm liáu-āu 出日頭 tshut ji̍t-thâu 就攏袂寒 tō lóng buē kuânn
阿媽講 a-má kóng 春仔 阿媽忝囉 Tshun--á, a-má thiám--looh 你幫我走一逝 lí pang guá tsáu--tsi̍t-tsuā 去海邊仔 khì hái-pinn-á 看恁阿公敢有轉來 khuànn lín a-kong kám ū tńg--lâi
靈前跤的彼葩電火 lîng-tsîng-kha ê hit pha tiān-hué 著毋通關 to̍h m̄-thang kuainn 恁阿公若轉來 lín a-kong nā tńg-lâi 才袂揣無路 tsiah buē tshuē-bô lōo
啊人大官仔到底是為按怎 ah lâng ta-kuann-á tàu-té sī uī án-tsuánn 遮la-le煞連批攏毋捌回 tsiah la-le suah liân phue lóng m̄-bat huê 連包袱仔都無慾捾 liân pau-ho̍k-á to bô beh kuānn 兵仔車欲共阮載去佗位 ping-á-tshia beh kā guán tsài khì tó-uī
喔~阿春仔怹阿媽 ooh~ A-tshun-á in a-má 喔~日日夜夜對人來問起 ooh~ ji̍t-ji̍t-iā-iā tuì lâng lâi mn̄g khí 阿春仔怹阿媽 A-tshun-á in a-má 喔~彼個遙遠的南島佇佗位 ooh~ hit ê iâu-uán ê lâm-tó tī tó-uī
阿媽你這馬就毋免驚 a-má lí tsit-má tō m̄-bián kiann 阮阿公有帶話講伊這馬真快活 guán a-kong ū tuà-uē kóng i tsit-má tsin khuìnn-ua̍h
咱這馬逐家攏毋免驚 lán tsit-má ta̍k-ke lóng m̄-bián kiann 烏暗了後 oo-àm liáu-āu 出日頭 tshut ji̍t-thâu 就攏袂寒 tō lóng buē kuânn
- 感謝 W.B. Chen 修正歌詞
- 友站連結: W.B. Chen
|