- 專輯介紹
- 歌詞
- 專輯列表
- 歌手介紹
許富凱
-
運將的後照鏡
23107/《運將的後照鏡》Ùn-tsiàng ê Āu-tsiò-kiànn 許富凱Khóo Hù-khái
少年家少年家 siàu-liân-ke siàu-liân-ke 遮早就欲走 tsiah tsá tiō beh tsáu 是這間傷無聊 sī tsit king siunn bô-liâu 抑是厝內有囡仔咧吼 ia̍h-sī tshù-lāi ū gín-á leh háu 看你這箍癮頭 khuànn lí tsit khoo giàn-thâu 佇社會佮人走跳 tī siā-huē kah lâng tsáu-thiàu 人情世事著愛顧夠夠 jîn-tsîng sè-sū tio̍h-ài kòo kàu-kàu
阿伯仔阿伯仔 a-peh--á a-peh-á 哪會無佇咧厝泡茶 ná ē bô tī-leh tshù phàu-tê 出來外口佮人拚屈勢 tshut-lâi guā-kháu kah lâng piànn khut-sè 毋通坐計程車 m̄-thang tsē khè-thîng-tshia 來到貴寶地 lâi-kàu kuì pó-tē 煞坐救護車 suah tsē kiù-hōo-tshia 予人扛去賣 hōo-lâng kng khì bē
這是運將的bak-kú-mí-á tse sī ùn-tsiàng ê bak-kú-mí-á 會當看入去靈魂內底 ē-tàng khuànn ji̍p-khì lîng-hûn lāi-té 悲歡的界線 pi-huan ê kài-suànn 這是運將的bak-kú-mí-á tse sī ùn-tsiàng ê bak-kú-mí-á 會當看入去命運當中 ē-tàng khuànn ji̍p-khì miā-ūn tang-tiong 淒涼的哀歌 tshe-liâng ê ai-kua 佇林森北路 更多更詳盡歌詞 在 ※ Mojim.com 魔鏡歌詞網 tī Lîm-sim-pak-lōo 共人生金金看 kā jîn-sing kim-kim-khuànn
小姐啊小姐啊 sió-tsiá--ah sió-tsiá--ah 這是現實的社會 tse sī hiān-si̍t ê siā-huē 毋通怨天怨地 m̄-thang uàn-thinn uàn-tē 怨無錢的老爸 uàn bô-tsînn ê lāu-pē 人有閒錢去美國讀大學 lâng ū îng-tsînn khì Bí-kok tha̍k dàxué 咱上起碼 lán siōng-khí-má 閣有青春的肉體 koh ū tshing-tshun ê bah-thé
這是運將的bak-kú-mí-á tse sī ùn-tsiàng ê bak-kú-mí-á 會當看入去江湖內底 ē-tàng khuànn ji̍p-khì kang-ôo lāi-té 險惡的棋盤 hiám-ok ê kî-puânn 這是運將的bak-kú-mí-á tse sī ùn-tsiàng ê bak-kú-mí-á 會當看入去社會當中 ē-tàng khuànn ji̍p-khì siā-huē tang-tiong 鹹纖的血汗 kiâm-siam ê hueh-kuānn 佇林森北路 tī Lîm-sim-pak-lōo 共人生金金看 kā jîn-sing kim-kim-khuànn
兄貴啊兄貴 aniki--ah aniki 請你毋通厚火氣 tshiánn lí m̄-thang kāu hué-khì 較早我的小弟 khah-tsá guá ê sió-tī 嘛叫我兄貴 mah kiò guá aniki
- 感謝 W.B. Chen 提供歌詞
- 友站連結: W.B. Chen
|